:) ابتسم :)

أخرج مسلم في صحيحه من حديث أبي ذر رضي الله عنه قال: قال لي النبي صلى الله عليه وسلم: لا تحقرن من المعروف شيئا ولو أن تلقى أخاك بوجه طلق.

وعلى فكرة لو قابلت حد بوش مكشر مش هيقول إنك إنسان جد .. وبرضه التكشيرة مش هتخليه يحترمك أكتر .. وخليك فاكر إن الابتسامة هي حلقة الوصل بين قلوب البشر ومعنى حديث النبي عليه الصلاة والسلام أن تقابل الناس بوجه طلق يعني وجه مبتسم منشرح وسعيد. 

طب لو مهموم أو عندك مشاكل أو فيه أية أسباب للحزن برضه قابل الناس بوش منشرح ... ليه؟

لأن الابتسامة في وجه أخيك صدقة.

لأن الدنيا مش دار سعادة ولكنها دار عبادة وتخيل أن الابتسامة تعتبر صدقة يعني جزء من العبادة.

لأن بابتسامتك هتهون على نفسك وعلى كل اللي يقابلك مصاعب الحياة وهتسيب أثر إيجابي عليك وعليه.

لأن بابتسامتك هيكون عندك حسن ظن بالله يعني إن شاء الله المشاكل هتتحل حتي لو أنت شايف أنه مستحيل حلها لأن الله سبحانه وتعالي هو اللي بيدبر الأمر مش أنت.

وفي النهاية ... يقول الإمام جعفر الصادق:

عجبت لمن أصابه غم كيف يغفل عن قول الله: (لاَّ إِلَـٰهَ إِلاَّ أَنتَ سُبْحَـٰنَكَ إِنّى كُنتُ مِنَ ٱلظَّـٰلِمِينَ) ، والله سبحانه وتعالى يقول بعدها: (فَٱسْتَجَبْنَا لَهُ وَنَجَّيْنَـٰهُ مِنَ ٱلْغَمّ وَكَذٰلِكَ نُنجِـى ٱلْمُؤْمِنِينَ) الأنبياء: 87

 نهاركم سعيد

:)